Halyqaralyq jastar kúni merekesine oraı Qazalyda Shyǵys jastarynyń jalyndy jetekshisi Ǵanı Muratbaev atyndaǵy respýblıkalyq jastar syılyǵy tabystaldy, dep habarlaıdy Egemen.kz.
Saltanatty sharada aýdan ákimi Muhtar Orazbaev Orta Azııa jastarynyń aldyna shyqqan qaıratker atyndaǵy syılyqty ıelengenderdi quttyqtady.
«Bıyl «Zamannyń tutqasy da, ıesi de jastar!» dep urandaǵan Orta Azııa jáne búkil Shyǵys jastarynyń jalyndy jetekshisi, jerlesimiz Ǵanı Muratbaev týǵanyna 120 jyl tolyp otyr.
Artyna óshpesteı iz qaldyrǵan Ǵanı Muratbaevtyń isi men ónegesin óskeleń urpaqqa dáripteý maqsatynda respýblıkalyq Ǵanı Muratbaev atyndaǵy jastar syılyǵyn tabystaýdy jyl saıyn dástúrge aınaldyrýdamyz.
Jastar eldiń zamanaýı bet-beınesin qalyptastyryp, jańa ıdeıalardy usynýǵa jáne Qazaqstandy jańartýdyń negizgi qozǵaýshy kúshi bolýǵa tıis. Osy maqsatta búgin respýblıkamyzdaǵy ár sala boıynsha osy syılyqqa laıyqty dep tanylǵan úzdikter men belsendi jastar kelip otyr», dedi aýdan basshysy.
Munan soń Muhtar Orazbaev pen oblystyq qoǵamdyq damý basqarmasy basshysynyń orynbasary Rýslan Qaıýpov júzden júırik shyqqan jeńimpazdarǵa «respýblıkalyq jastar syılyǵynyń dıplomyn, tósbelgisin jáne estelik syılyqtar tabystady.
Bıylǵy jeńimpazdar qatarynda qazalylyqtarmen qatar, Nur-Sultan, Almaty, Qyzylorda qalasy jáne Aral, Qarmaqshy, Syrdarııa, Jalaǵash aýdandarynyń daryndy jastary bar.
Saltanatty shara ónerpazdardyń konserttik baǵdarlamasyna ulasyp, belgili estrada juldyzy О́mirqul Aınııazov, elordadaǵy memlekettik akademııalyq fılarmonııanyń jeke solısi Altynbek Ábilda jáne taǵy basqa talantty ánshiler kópshilikke kóterińki kóńil-kúı syılady.
Ortalyq alańnan keıin Ǵanı Muratbaev atyndaǵy respýblıkalyq jastar syılyǵyna ıe bolǵandar erkin formatta bas qosyp, ózara pikir almasty.
Bıyl tórtinshi ret uıymdastyrylǵan baıqaýǵa 40-tan astam úmitker qatysyp, solardyń ishinde 17 júırik laıyqty dep tanyldy. Marapatqa ıe bolǵandarǵa 120 myń teńgeniń sertıfıkaty tapsyryldy.